As palabras moven mundos
Fante rir, chorar, enfadar e tamén alegrar. Porque como e cando che din algo cámbiao todo.
E coas palabras que empregas no teu negocio pasa o mesmo.
Trabóuseche algunha vez a lingua?
Seguro que máis dunha vez o cerebro foiche a todo gas e, xusto canto intentas dicir algo, vai e trábaseche a lingua. E dis de todo menos o que querías dicir.
Se levas iso ao teu negocio, o que pasa é que tes tantas ideas xuntas que parece imposible ordenalas e enfocalas para que as comuniques.
E iso é o que fago eu: investigo, organizo a información e doulle forma para que chegue ao teu público de maneira estratéxica e precisa. Sen que te trabes por non saber que dicir nin como facelo.
O meu camiño coas palabras empezou con espírito aventureiro e continuou cos cerres perimetrais
Aos 17 anos decidín que quería estudar tradución estando nunha igrexa en Malta.
E non, non foi por inspiración divina nin tampouco son eu relixiosa.
Pero tiven a sorte de recibir becas para facer intercambios desde os 14 anos. E estando nun, fun a unha visita guiada por unha igrexa na que había unha parella de madrileños que non entendía nada do que dicía a guía, así que me ofrecín para interpretárllelo.
E así foi como descubrín que me encantaba iso de conseguir que dúas persoas que non falan o mesmo idioma nin teñen a mesma cultura poidan comunicarse.
Porén, o meu camiño co copywriting empezou cos cerres perimetrais e a corentena. Para contrastar.
Non estaba a gusto no traballo que tiña e decidín facerme autónoma. Gran idea durante unha pandemia, dirás. O conto é que tiven que aprender a venderme para poder diferenciarme doutras persoas que ofrecían o mesmo ca min.
E investigando como facelo, descubrín o copywriting: a escritura para a venda.
Empeceime a informar e a practicar as técnicas de comunicación e vin que me gustaba aquilo e que se me daba ben. Así que decidín formarme e ofrecelo como servizo para axudar a persoas con valores éticos a vender no ámbito dixital.
Unha historias menos divertida, pero a min gústame vela como supervivencia nun momento de caos mundial. O cal tamén é unha aventura en si mesma.
Ola! Chámome Marta e son quen está detras de Lingua trabada.
Hai uns anos o cerebro fíxome un clic detonador:
· Vin o de comer carne con outros ollos. Empecei a pensar que ser amante dos animais e a natureza e comer carne non eran compatibles nesta sociedade. Así que deixei de consumila.
· O movemento feminista chegou a min coma unha onda e tireime de cabeza. Gracias a el tamén me fun concienciando con outras causas sociais e aprendín que, aínda que non me atravesen, podo poñer o meu gran de area.
Estudei Tradución e Interpretación en Vigo.
A miña compañeira de traballo é unha gata e chámase Cinza.
Formeime en escritura para a venda coa Escuela de Copywriting.
A Costa da Morte é casa.
Agora tócache a ti
Creo que existe unha maneira consciente e responsable de vivir e consumir. E sempre empeza polas pequenas accións de persoas anónimas que, cando se xuntan, poden cambialo todo.
Por iso é imprescindible que a túa marca ética prospere:
· Para que o benestar social e o coidado do planeta vaian antes ca o beneficio económico duns poucos.
· Para que o teu traballo tamén sexa sostible para ti.
· Para que a túa mensaxe chegue a outras persoas, aínda que vivades en países diferentes.
E para conseguilo é necesario comunicalo desde os teus valores.
Queres que che axude a que a túa marca ética prospere?
Tamén formo parte doutros proxectos cos mesmos valores
Dixitaliza o teu negocio
O pack para proxectos responsables que queren lanzarse ao mundo dixital e necesitan unha web e identidade visual e verbal para ser recoñecibles aló onde vaian.
Aquí xunteime con Lole, que é deseñadora gráfica e desenvolvedora web, para crear a identidade de marca completa do teu negocio.
Valida tu idea
O servizo pensado para que descubras se a túa idea novidosa de negocio, produto ou servizo interesa e obteñas unha lista de contactos que poidan converterse en clientela a medio e longo prazo.