Comunicación clara que soa a ti
Dio sen voltas cunha comunicación verbal multilingüe que atrae clientela e soa a ti.
Se chegar ao teu público é complicado, que lle atraia a mensaxe que transmites e se interese polo que vendes aínda o é máis.
Pode que domines o trato cara a cara, pero ao escribir os textos para o teu negocio é fácil que acaben por soar:
Moi a xerga do teu sector.
Moi ambiguos.
Moi xenéricos.
Moi robóticos.
Ou unha mestura de todo o anterior.
E na era da competencia pola atención do público na que estamos, isto non funciona.
Aquí é onde entra o meu traballo.
- Converter as ideas que lle queres transmitir ao teu público nas túas mensaxes de marca.
- Transformar nos teus argumentos de venda iso que leva ao teu público a elixirte a ti.
- E adaptalo todo á voz da túa marca para que reflicta a súa personalidade.
Sen mensaxes rebuscadas que dificulten a lectura nin a comprensión.
Sen perder de vista o contexto cultural do teu público para que soe natural.
Ti marcas o ritmo. Eu poño a letra.
Chámome Marta
e son copywriter, tradutora de inglés a castelán e galego e correctora.
Pero como este é un título de dimensións case nobiliarias, para que nos entendamos ti e mais eu, o que fago é axudarche a que te comuniques de maneira eficaz co teu público para que este se converta en clientela que volve a ti.
Porque se entende sen esforzo, identifícase co que dis e falas o seu idioma de maneira fluída e natural acaba comprando, recomendándote e incluso converténdose en fan da túa marca.
INVESTIGAR
Para comunicar de maneira eficaz non podo quedar con dúbidas.
Por iso preguntarei todo o que precise aclarar e, dependendo do servizo, tamén os teus obxectivos, necesidades e público ao que te dirixes.
Porque unha é creativa, pero con precisión.
ATENDER
O que máis valora a miña clientela é a atención que proporciono antes, durante e despois de traballar comigo.
Ademais, sempre falarás directamente comigo, sen intermediarios que retrasen o proceso nin encarezan o servizo.
PERSONALIZAR
Cada negocio ten necesidades comunicativas distintas que dependen da época do ano e momento no que se encontra, por iso adapto os servizos a ti e ao que necesitas para que consigas os teus obxectivos e poidamos medrar en compañía.
Nas súas palabras
Eu viña aquí falar da miña Lingualetter
A newsletter bimensual na que envío consellos e recomendacións comunicativas entre historias e anécdotas. Subscríbete aquí para recibila: